Saturday, January 30, 2010

Interior Designer ဖြစ်ပြီလား..?

ဒီအကြောင်းလေး ပြောဖို့ရင်ထဲမှာ ရှိနေတာ အတော်ကြာပါပြီ.. အခုမှပဲ ပြောဖြစ်တယ်ဗျာ... ကျွန်တော့် အတွေ့အကြုံအရပေါ့နော်…3d ဆွဲ.. rendering ကောင်းအောင် လုပ်တတ်ပြီဆိုရင်. အများအားဖြင့် archi တွေ designer တွေအတွက် freelance အခန်းလေးတွေဆွဲ... အိမ်လေးတွေဆွဲ...နဲ့ .. တစ်ဖြည်းဖြည်းနဲ့ လုပ်သက်ကြာလာတော့ ခေါင်းစဉ်တတ်စ ပြုလာတယ်။

Interior Designer တဲ့... အိမ်ကျတော့ structure တွေ..အမိုးအချိုးတွေ.. လှေကားတွေ.. စသဖြင့်..by law တွေနဲ့ရောဆက်စပ်နေတော့ နီးစပ်လွယ်တဲ့ interior ဘက် လှည့်တတ်တဲ့သဘောပါ.. အမှန်က 3d visualizer ပါ။ နောက်တစ်မျိုးကတော့ civil engineer diploma ဒါမှမဟုတ် အဲဒီဝန်းကျင်မှာ လုပ်တာကြာလာတဲ့သူမျိုး.. လုပ်ငန်းအတွေ့အကြူံလေးရ.. အနှပညာအခြေခံရှိပြီး.. autocad ဆွဲတတ်.. နောက် 3d လေးပါ ဆွဲတတ်လာပြီး အလုပ်လုပ်ရင်းကနေ Interior Designer ဆိုပြီး အမည်တပ်လာသူတွေပါ။..တစ်ကယ်ဆိုရင်.. coordinator ဆန်ဆန်ဖြစ်လာတာပါ။ ကိုယ့်တိုင်းပြည်မှာတော့ ဒီလိုနဲ့ လုပ်နေကြတဲ့သူတွေ အများကြီးပါ....တစ်ကယ့် interior designer တွေ မတွေ့ဘူး မကြုံဘူးတာလဲပါမယ်.. ကိုယ့်ဆီမှာ.... နည်းတယ်လေ... ကျွန်တော်ကိုယ်တိုင်လဲ Interior Designer ကျောင်းမတက်ခဲ့ရပါဘူး... Architect လဲမဟုတ်ပါဘူး...ဒါပေမယ့် တစ်ကယ့် Interior Designer လုပ်မယ်ဆိုရင် Archi သမားတောင် Interior Subject ကို သပ်သပ်လေ့လာခဲ့မှ ရပါမယ် ။ ဒါတောင် နိုင်ငံတစ်ကာမှာ interior နဲ့ ပတ်သတ်ပြီး သပ်သပ်ကို diploma ,advance diploma , Degree တွေ အထိတောင် သပ်သပ်ခွဲထုတ် သင်ကြားနေပါပြီ။ တစ်ချို့ဆို master အထိတောင် special subject တွေ ခွဲပြီး..Interior ကို သင်ကြားနေတာတွေ့ရပါတယ်။ ကျွန်တော် ကိုယ်တိုင် ၀ါသနာပါလို့ အခုနပြောသလိုအဆင့်တွေ ကို civil အင်ဂျင်နီယာဘ၀နဲ့ အဆောက်အဦးတွေဆွဲ.. နောက် supervise လုပ်နဲ့ ..အတွေ့အကြုံတွေ ၃ နှစ်ကျော် ၄ နှစ် လောက်ရှိမှ interior ကိုတွဲလုပ်ပါတယ်။ သူငယ်ချင်း Architect တွေဆီက နဂိုတည်းက design အခြေခံတွေ လေ့လာသင်ယူခဲ့သလို သူတို့ရဲ့ စာအုပ်တွေကိုလဲ copy ကူးလေ့လာခဲ့ပါတယ်။နောက် interior စလုပ်ပြီဆိုတဲ့ အချိန်မှာကို မလုပ်ခင်ထဲက ရှေ့က interior လုပ်နေတဲ့ သူတွေ ..နာမည်ကြီး project တွေ..နောက် ရနိုင်သမျှ interior နဲ့ ပတ်သတ်တဲ့ သီအိုရီစာအုပ်လေးတွေ ဖတ်ပြီးလေ့လာခဲ့ပါတယ်။ နောက် ကံကောင်းတယ်လို့ဆိုရမှာက အဲဒီအချိန် ၂၀၀၅ ၀န်းကျင်လောက်က internet ကို ရုံးမှာ အမြဲ သုံးခွင့်ရတာက တော်တော် မျက်စေ့ပွင့်စေခဲ့ပါတယ်။

ဒါတွေပြောနေတာ ကျွန်တော့်အကြောင်း ပြောနေတာ မဟုတ်ပါဘူး... အခုဒီဆောင်းပါးကို ရေးနေတဲ့သူ ဖြတ်သန်းခဲ့ရတဲ့ interior designer ခြေလှမ်းလေးတွေ သိစေချင်တာပါ။ ဒါမှ အခုရေးတာကို သဘောပေါက် နားလည်နိုင်မှာမို့ပါ။ အဲဒီအချိန်မှာကို ကိုယ်လုပ်တဲ့ project လေးတွေ တစ်ခုပြီးတိုင်း အမှားအမှန်သုံးသပ် နောက်စာအုပ်ထဲ သီအိုရီလေးတွေနဲ့ တိုက်ကြည့် ကောင်းမယ်ထင်တာလေးတွေ မှတ်ပြီး..လိုမယ်ထင်တာတွေ နောက်လာမယ့် project တွေမှာ ထပ်ဖြည့်သုံးအဲလိုနဲ့... ဖြတ်သန်းခဲ့ရပါတယ်။ တစ်ကယ့် interior ကျောင်းလေး တက်ရရင်တော့ အချိန်တွေ အများကြီး သက်သာသွားမှာပါ။ အဲဒီအချိန်မှာကို international project တစ်ခုလုပ်ခွင့်ရခဲ့တယ်။သူက renovation နဲ့အကြီးစား commerical interior project တစ်ခုပါ။အဲဒီမှာ သူတို့ဆီက archi က facade renovation အတွက်အရှေ့ပိုင်း နဲ့ interior designer က အတွင်းပိုင်းတွေ ဆွဲလာပြီးသား လာအပ်တော့ ကျွန်တော်အဲဒီ archi နဲ့ရော interior designer နဲ့ပါ ဆွေးနွေးခွင့်ရသလို သူတို့ရဲ့  drawingတွေpresentationတွေထိတွေ့လေ့လာခွင့်ရပြီး...အဲဒီ design တွေ ပုံဖော်ခဲ့ရတာ ကျွန်တော့်အတွက် ကျောင်းအသေးစားလေး တက်ခဲ့ရသလိုအပြင် စာအုပ်ထဲက မသိသေးတဲ့ သီအိုရီတစ်ချို့ကော ..နောက် အမြင်တွေ ..internet ကို အသုံးချလေ့လာ မှုတွေ တိုးပွားလာခဲ့ပါတယ်။..အဲဒီအချိန်မှာ ကျွန်တော် အခုပြောတဲ့ ခေတ်ရေစီးကြောင်းထဲမျောပြီး ခေါင်းစဉ်တပ် လုပ်နေတဲ့ interior designer တွေသဘောကို တွေ့မြင်သိလာသလို ကိုယ်ကိုယ်တိုင်လဲ ပိုရှက်လာမိပြီး ပိုလေ့လာကြိုးစားခဲ့ပါတယ်။အဓိကက engineer အခြေခံလေးရှိ.. အတွေ့အကြုံလေးလဲရှိ.. အနှပညာ အမြင်လေးလဲရှိပြီး... ပုံလေးတွေဆွဲတတ်.. နောက် rendering ပါလုပ်တတ်လာပြီး.. အဲလိုဖြစ်နေတာပါ။.. Interior Designer မဟုတ်ပါဘူး...Decorator ပါ။ အများကြီးကွာပါတယ်။ knowledge ဆင်းရဲလို့ အဓိကဖြစ်ရတာပါ။ ဒါကြောင့်လဲ ကျွန်တော်သိတာလေး ရေးတာပါ။ Interior Designer တစ်ယောက်ရဲ့  တာဝန်တွေ မနည်းပါဘူး....တန်ရာတန်ကြေး ရတယ်မရဘူးဆိုတာထက် ကိုယ့်ဘက်ကတာဝန်ကျေဖို့အတွက် သိရမှာလေးတွေပြောတာပါ။ ဒါမှ တိုင်းပြည် မှာ အခွင့်အလန်းတွေ ပွင့်လာတဲ့အခါ အပြင်ကလာမယ့် သူတွေဆီကယူနိုင်မှာ ဖြစ်သလို နောက်ကျကျန်မနေပဲ ရင်ဘောင်တန်းနိုင်တာမျိုးတွေဖြစ်မှာပါ။ ဒါအပြင်.. အခြေအနေကောင်းရင် ကိုယ့်တိုင်းပြည်ကနေပြီး.. outsourcing project တွေလုပ်နိုင်မှာပါ။...

ဒါနောင် ဖြစ်ကိုဖြစ်လာမယ့် အခွင့်အလမ်းတွေပါ.. အချိန်နှေးတာ မြန်တာပဲရှိပါတယ်။ နောက်ဆက်ရရင် ...အထက်ကပြောခဲ့သလို အတွေ့အကြုံများလာပြီး.... နိုင်ငံခြားထွက်မယ်... အထူးသဖြင့် စင်္ကာပူပေါ့... ဟိုမှာ Interior Designer အလုပ်လုပ်မယ်... ခေါ်နေတာအများကြီးပဲ... အဲမှာ ကျွန်တော် ပြောချင်စိတ်တွေ အများကြီးပေါ့ဗျာ... နိုင်ငံခြားမပြောနဲ့ ကိုယ့်တိုင်းပြည်မှာကိုပဲအရင်လုပ်ပြီးပြီလား.... ဥပမာ....အိမ်ရှင်နဲ့တွေ့ အခန်းဖွဲ့ စည်းပုံအရင်ညှို ..နောက် elevation design ဆွဲ..နောက် 3d perspective render လုပ် .. ကြိုက်ရင် ဈေး ညှို ပြီးရင် အလုပ်လုပ်ဖို့ material တွေရွေး... .working drawing တွေထုတ်.. မီးပွိုင့်တွေ...ရေကအစ လုပ်မယ့် သူတွေနဲ့ ညှို ပုံထုတ်..အများကြီးနော်..တစ်ကယ်လုပ်ရင်.. အခက်အခဲတွေ ရှင်းရမှာတွေ ..ပုံထဲကလို အပြင်မှာ ထွက်ဖို့တွေ ...နောက် အသုံးပြူလို့ အဆင်ပြေဖို့ လက်တွေ့ကျဖို့.... ကျန်းမာရေးအရရော... ရေရှည်အတွက်ပါအဆင်ပြေဖို့... မှန်းထားတဲ့ budget အတိုင်းဝင်ဖို့ အချိန်မှီပြီးဖို့ . .ပြီးရင်လဲ Asbuilt drawing တွေဆွဲပြန်အပ် ရပါမယ်။..ဒါတောင် design concept တွေအကြောင်းမပါသေးဘူး.... ဒါမျိုးတွေကလဲ ရိုးရိုး catalog ထဲကပုံတူတို့ ..ဟိုမှာလုပ်ခဲ့တာမျိုးတို့.. ဒီမှာလုပ်ခဲ့တာမျိုးတို့ ကူးချတာမျိုးတွေ အစုံပေါ့....အများကြီးပါပဲ.. ပြောမယ်ဆိုရင်... အဲဒီလိုမျိုး project တွေ အများကြီးလုပ်ခဲ့ လေ့လာခဲ့တာတောင်မှ အထက်ကလို တစ်ကယ့် interior designer တစ်ယောက်ဖြစ်ဖို့ သေချာလေ့လာမှ ကြိုးစားမှ ဖြစ်နိုင်မှာပါ။...ခက်တယ်လို့ဆိုလိုတာမဟုတ်ပါဘူး...လုပ်သင့်တာလေးတွေ မြင်ဖို့ပြောတာပါ။

အထက်က နိုင်ငံခြားမှာဆိုတဲ့ အကြောင်းဆက်ရရင် ...ကျွန်တော့်အတွေ့အကြုံအရ .. စင်္ကာပူမှာ နာမည်ကြီးdesign company တွေမှာဆို မြန်မာက architect ကို Master ဘွဲ့ရပြီး အတွေ့အကြုံရှိတဲ့သူလောက်မှjunior designer လောက်ခန့်ပါတယ်။....ပုံမှန် interior firm တွေမှာဆို... ကျွန်တော့်အတွေ့အကြူံလေးဖတ်လိုက်ရင် သိမှာပါ။ကျွန်တော် စကာင်္ပူမှာ စအလုပ်လျှောက်တော့ interior designer ရော 3d visualizer ပါလျှောက်ဖြစ်ပါတယ်။ ကျွန်တော့် portfolio တော်တော်များများက မလုပ်ခင် render ပုံတွေရော ..သူတို့ရဲ့  actual ပြီးသွားတဲ့ပုံတွေ ရောတွဲထားပါတယ်..၉၀ ရာနှုန်းလောက်က ကျွန်တော်ဆွဲထားတာနဲ့..actual ပြီးသွားတာတွေက သိပ်မကွာပါဘူး...အဲမှာ interior company တစ်ခုက interview ခေါ်ပါတယ်..ပိုင်ရှင်က ပြည်ကြီးတရုတ်တွေပါ။... သူကိုယ်တိုင်က artist ပါ။.. သူကကျွန်တော့်ရဲ့  max ပုံတွေကြည့်ပြီး .lighting concept နဲ့ design ပါသဘောကျတာနဲ့ ခေါ်တာပါ.. တွေ့တော့ ဈေးစကားတွေပြောပြီး..နောက်နေ့မနက် confirm လုပ်မယ်ဆိုပြီး.. ပြန်ခဲ့တယ်.. နောက်နေ့ ဆက်သွယ်တော့ ..အရင်ကပေးတာထက်၂၅ %လောက် လျှော့ပေးတယ်... ဘာလို့လဲဆိုတော့ မြန်မာလူမျိုးတစ်ယောက်ကို စစချင်း အဲလောက်ပေးတာ များတယ်တဲ့... (spass)stay ရဖို့ကို မလွယ်ဘူးတဲ့ ..ကြိူက်တယ် ..နှိမ်တယ်ဗျာ.. ဘာတတ်နိုင်မှာလဲ... go ပေါ့ ဒီအလုပ်...

နောက်တစ်ခုက ခေါ်တုန်းက 3d visualizer အလုပ်..interview တွေ့တော့interior designer အလုပ်ဗျ...အဲဒါလေးကို ပြောပြချင်တာပါ.. .ဖုံးလှမ်းဆက်ထဲကိုက မင်းက archidesignနဲ့ ပတ်သတ်ပြီး ဘာမှ မရှိဘူးလားလို့မေးတယ်။civil engineer ဘွဲ့ပဲရှိတယ်..myanmar မှာinterior design school မရှိကြောင်း ..နောက် လုပ်ခဲ့လေ့လာခဲ့တဲ့ နှစ်တွေနဲ့ project တွေအကြောင်းနဲ့ CV ထဲမှာသေချာ ဖတ်ကြည့်လို့ရကြောင်း ပြောမှ ဖုံးပြန်ဆက်မယ်တဲ့။နောက် SPASS အတွက်တင်ရမရ check ကြည့်ချင်သေးတယ်တဲ့...ဲနောက်ရက် ကြမှ interview ချိန်းတယ်လေ....အဲဒီနေ့မှာသူတို့ချိန်းထားတဲ့ အချိန်ရောက်တာနဲ့ ကွက်တိရောက်အောင်သွားတယ်... လူကနေရာမနည်း ရှာရတောနဲနဲ ဟိုက်နေပြီပေါ့... အဲဒီမှာ တစ်ယောက်က သူတို့ showrooom မှာ ရှိတဲ့ kitchen အတိုင်းအတာတွေကို ချက်ချင်း ဒါဘယ်လောက်ရှိလဲ..ဟိုဟာဘယ်လောက်လဲ... နောက် ဘီဒိုတွေဆို ဘယ်လောက်ရှိမလဲ..စသဖြင့် standard အတိုင်းအတာတွေ မေးပါတယ်။ကိုယ့်ဆီမှာက ပေလက်မ..သူတို့ဆီမှာmm အခြေခံဆိုတော့ unit conversion ကလဲလုပ်ပြီး ဖြေရတာပေါ့။ အဲဒီမှာ တစ်ချို့နေရာလေးတွေ နဲနဲစီလွဲတယ်ပေါ့...ကိုယ့်စကားနဲ့ဆို ပြောလွယ်ပေမယ့် သူတို့နဲ့ကျတော့ နဲနဲလွဲရင်ကို မလွယ်ဘူးလေ.. ပြီးတော့ plan တစ်ခုချပြပြီး...အဲဒီ plan က living room နံရံမှာ TV console design လုပ်ခိုင်းတယ်..လုပ်ခိုင်းတာကလဲ စာရွက်အလွတ် နဲ့ ခဲတံပေးပြီး ဆွဲခိုင်းတယ်..ကျွန်တော် design စဉ်းစားလေ့ရှိတာက 2d conceptual ကို စာရွက်ပေါ်မှာ ခြစ်..ပြီးရင် autocad နဲ့ အချောဆွဲ ..ပြီးမှ 3d ဆွဲတာကိုး.... အဲမှာ သူက ကို.ယ့် 2d အကြမ်းခြစ်ထားတာရယ် ..နောက် design ရယ် ကို ရိုးလွန်းတယ်တဲ့ဖောက်ထွက်တာမျိုးလိုချင်တာတဲ့ design ကိုတဲ့...ကိုယ်လဲသိတယ် သူလိုချင်တာကို.. ခက်တာက ကိုယ်လုပ်နေကြ style လိုမစဉ်းစားရတာရယ်..သူတို့ဝန်းကျင်မှာ စိမ်းနေတာရယ်နဲ့ ဘယ်လိုမှ concept ကောင်းမထွက်ပါဘူး.. ကိုယ့်ဟာကို.ယ်လဲ မကြိူက်ပါဘူး... အဲဒီမှာ သူကထပဆွဲချင်သေးလားတဲ့.. ဆွဲမယ်ပေါ့..ဒါပေမယ့် စိတ်ကျေနပ်မှုမရပါဘူး.. ကိုယ်လုပ်နိုင်တာ သိသိကြီးနဲ့ လုပ်မရတာပေါ့ဗျာ.. နောက်တော့ သူ့ကိုပြောလိုက်ပါတယ်.. ငါစဉ်းစားတာ ဒီလိုမျိုးလုပ်လေ့ရှိတယ်.. အခုလဲ စိတ်တွေ မကြည်တာ ပါတယ်ဆိုတာပေါ့..သူကလဲ ပွင့်လင်းပါတယ်.. ကျွန်တာ့် အရှေ့က ကောင်မလေးတစ်ယောက် ဆွဲသွားတဲ့ပုံလေး.. လက်နဲ့ perspective ဗျ..ကောင်းတယ်.. သူလဲကြိူက်တယ်ပေါ့.. အဲဒါမျိုးလိုချင်တာာပေါ့. .အဲဒါနဲ့ သူကဒါဆိုလဲ အဲဒါကိုပဲ max နဲ့ ဆွဲ render လုပ် ဘယ်လောက်ကြာမလဲပေါ့.. တစ်နာရီကြာမယ်ပြောတော့ ok တဲ့ အချိန်မှတ်ထားမယ် ဆိုပြီးဆွဲခိုင်းပါတယ်..အဲဒီပုံမာ လုံးဝ အတိုင်းအတာမပါပါဘူး ...material လဲမရွေးပေးထားပါဘူး.. ကိုယ့်ဘာသာကိုယ်အခုနနံရံမှာ ကွက်တိ propotion ကျအောင် မှန်းဆွဲရပါတယ်.. အတွေ့အကြုံမရှိရင် ဘယ်လိုမှဆွဲလို့မရပါဘူး.. .အဲဒါတော့ ok ပေါ့..သူက မင်းက software ပိုင်းပြောစရာမလိုဘူးတဲ့.. သူလိုချင်တာcreative thinking ကိုတဲ့...အဲဒါနဲ့ မင်းအိမ်မှာ ကြိူးစားကြည့်ချင်သေးလားတဲ့.. .လုပ်ချင်သေးရင်ဆွဲပြီး mail ပ်ို့လိုက်ပါတဲ့..သူသိပုံရတယ်ဗျ.. ကျွန်တော်အားမရတာ...အဲဒါနဲ့ ညကျတော့ အကြမ်းခြစ် autocad နဲ့ဆွဲ.. sketchup နဲ့ 3d ဆွဲတာ ၃ နာရီ ခွဲနဲ့ အားလုံးပြီးသွားပါတယ်..သူတို့ကြိူက်တယ်ဆိုတဲ့ design က tvconsole သက်သက်ဗျ.. furniture designဆန်တယ်.. ကျွန်တော်က အဲဒီနံရံနဲ့ပေါင်းစပ်တာမျိုး ဖြစ်ချင်တာ..အဲဒီအမြင်လေးပါ mail မှာထည့်ပြီး ရေးပေးလိုက်တယ်.။ နောက်နေ့ကျတော့ ..သူဖုံးဆက်ပြီး..ကျွန်တော့်ကို ပို့တာသေချာကြောင်း မေးတယ် နောက် သူကြည့်ပြီးတော့ပြောတယ်.. မနေ့က ကျွန်တော်ဆွဲတာလို့တောင်မထင်ဘူးတဲ့... ကဲအဲဒီပုံလေးလဲကြည့်လိုက်ပါဦး.... တစ်ကယ်တော့ လက်နဲ့ပါ perspective ဆွဲနိုင်ခဲ့ရင် အဲဒီထဲကok ပေါ့နော်..အခုဟာ first impression ကျတာပေါ့.. ဒါပေမယ့် ကိုယ်လုပ်နိုင်တာ အသိအမှတ်ပြုသွားတာတော့ ကျေနပ်ရတာပေါ့လေ... သူလဲ ပြန်ကိုစဉ်းစားရတဲ့ အထိပြန်ကြည့်ခဲ့ပါတယ်။. .





အခုပုံလေးတွေကြည့်ရင် design concept ရော material ပါအဆင်ပြေပြေ မြင်နိုင်ပါတယ်... .ပြီးတော့ ဒီdesign အတွက် လိုအပ်တဲ့ detail drawing တွေလုပ်ပုံလုပ်နည်းတွေပါ ပြောပြနိုင်ရပါမယ်.. ..ဒီအတွေ့အကြူံလေးကို မူတည်ပြီး ဘယ်လိုလုပ်သင့်တယ်. .ဘယ်လောက် level အထိပြင်ဆင်ထားရမယ်ဆိုတာ Interior Designer အလုပ်အတွက် မှန်းဆလို့ရမယ်ထင်ပါတယ်။ ဒါတောင် junior Designer အဆင့်လောက်ပါ....Archi ပုံတွေကို rendering လုပ်တဲ့အတွေ့အကြုံများလာ ကိုယ်ကလဲဆက်လေ့လာ ...၀ါသနာပါရင်တော့ 3d visualizer ပိုင်းကိုသွားသင့်ပါတယ်.. ဒါတောင်မှ တစ်ကယ်ခွဲရင် architectural visualizer ကတစ်လိုင်းပါ။

အချိန်ရရင် ဆက်ပါဦးမယ်နော်...အဆင်ပြေကြပါစေ..။

(ပါကြီး..)

ဆက်ဖတ်ရန်